På høg tid med utskifting

Foto: Eva Frøskjær Ersland

Ein skal leita lenge etter eit parti som har like lyst på ein plass i kommunestyret som Raudt Stord.

Hent soldatane heim!

I snart seks år etter at Taliban-regjeringa fall, er Afghanistan i ferd med å bli ein militær og politisk katastrofe for Nato og USA.

Afghanistan er eit okkupert land, og afghanarane har rett til å gjera motstand. Når denne typen motstand veks fram også i Nord-Afghanistan, viser det at afghanarane har fått nok.

Åtaka på norske soldatar i Meymaneeh i Afghanistan viser tydeleg at Noreg er i krig, anten me sender soldatar til Nord- eller Sør-Afghanistan.

Skiljet som regjeringa prøver å skapa mellom deltaking i nord og sør er kunstig. Noreg deltek i ein okkupasjon, og ikkje fredeleg gjenoppbygging. Gjennom deltaking i krigføringa i Afghanistan avlastar Noreg òg USA, slik at dei kan halda fram med å føra krig i Irak.

Afghanarane kjempar i dag mot ein brutal og barbarisk okkupasjon, og dei hentar legitimitet i retten til sjølvforsvar, frigjering og sjølvstende for ein nasjon som har vore undertrykt av imperialistiske makter alt for lenge. Så lenge det finnest undertrykking og urettferd, vil det òg finnast kamp og motstand.

Det einaste rette no er at alle dei norske soldatane blir henta heim, og at rolla til Noreg vert snudd frå å vera krigsmakt til å vera ein aktiv motstandar mot USA si krigføring.

Mohamed Kallel
Raudt Stord

Stopp Stoltenberg sitt pensjonsran!

Kva slags jobb du har, avgjer kor lenge du lever. Dei menna i arbeidslivet som i gjennomsnitt lever lengst, er prestar, som har ein gjennomsnittleg levealder på 81 år. På botn finn me mannlege reinhaldarar. Dei døyr når dei er 71 år. Rett bak kjem elektrikarar, industriarbeidarar og andre som har ein fysisk krevjande og kanskje farleg arbeidssituasjon. Dette verkar sjølvsagt inn på kor lenge ein ynskjer eller klarar å stå i arbeid. Eg, heile familien min og dei fleste eg kjenner, jobbar anten i industrien eller i omsorgsyrka. For oss vil Avtalefesta Pensjon (AFP) vera den sjansen me har til å få nokre gode år som pensjonistar før me vert pakka i pennalet.

Pensjonsreforma skal ”stimulera” folk til å jobba lenger – helst til me er minst 70 år. I så fall vil ein reinhaldar spara opp og betala inn til ein pensjon han praktisk tala ikkje får brukt. Prestane vil få eit feitt pensjonsfond frå dei som døyr tidlegare og ikkje får brukt sin del. Å gje ”like” pensjonsvilkår til slitarane som til dei som cruisar gjennom livet, høyrest tydelegvis svært rettferdig ut for stortingspolitikarar og LO-toppar. Men for dei av oss som faktisk må jobba for føda, er det heilt tydeleg at pensjonsreforma er djupt urettferdig. Dei fleste som har tunge yrke vil likevel måtta gå av lenge før dei er 70. Men regjeringa veit korleis dei skal ordna den biffen. Dei utslitne skal straffast.

Ei gjennomsnittsinntekt på 300 000 vil med den nye reforma gje deg ein pensjon på:

• 120 000 kroner i året dersom du går av når du er 62 år.
• 267 000 kroner i året dersom du klarar å jobba til du er 72.

Om presten og reinhaldsarbeidaren skal få vera pensjonistar like lenge, vil presten få ti feite år og reinhaldaren vil få ti svært magre år. Lønsskilnadane gjer realiteten mykje verre, fordi dei med dei mest fysisk krevjande jobbane vanlegvis tener mindre.

Pensjonsreforma har fire prinsipp som vil endra inntektene til kvar einskild pensjonist:

1. Indeksering; pensjonane skal auka med berre helvta av lønsveksten.
2. Levealderjustering; pensjonane skal reduserast med 4,5% for kvart år den gjennomsnittlege levealderen aukar.
3. Alleårsregelen; alle år skal telja like mykje, dette vil først og fremst ramma dei med låge løner og dei som av ulike grunnar har vore heilt eller delvis ute av arbeidslivet i periodar.
4. Avkorting vil seia at du må betala for din eigen førtidspensjon; går du av når du er 62, må pensjonen i dei fem første åra takast frå den samla pensjonen du har ”spart opp”.

Alle desse prinsippa gjer det umogleg å vidareføra dagens ordning med AFP, med den pensjonsreforma som er føreslegen. Det er difor naudsynt å stoppa heile pensjonsreforma, eller i det minste gjera drastiske endringar i forslaget. Om me ikkje klarar det no, får me prøva ved neste stortingsval.

9. mai vert det streik mot regjeringa, som gjennomfører eit stygt åtak på arbeidsfolk. Me vart lova ein ny kurs når det gjaldt arbeidsmiljølova, og det fekk me. No må me slåst for å stoppa dette åtaket på ein viktig grunnstein i velferdssamfunnet. Berre RV og SV er mot. SV har bundne hender fordi dei er i regjering. RV er ikkje på Stortinget. LO har me heller ikkje med oss for fullt, fordi leiarane i fagrørsla omfamnar det rotne pensjonsranet, og slik går mot sine eigne medlemar. Difor er det presset utanfrå, og dette presset åleine, som kan få Stortinget til å snu. Slutt opp om streiken den niande mai! Redd folketrygda!

Kjetil Grønås, Raudt Stord

1. mai på Stord

PROGRAM 1. MAI 2007

PARKEN PÅ LITLABØ KL. 09.00
Tale ved Aud Berit Alsaker Haynes,
Song: v/ Raudt Kor
Blomenedlegging ved Gruvearbeidarmonumentet
Kaffe og kaker, ved venelaget for Gruo

1. MAI-FRUKOST
Grand Hotell på Leirvik kl. 10.00
Opning kl.10.30 v/ leiar i 1. mai-komiteen.
Song: v/ Raudt Kor
Appellar
Kulturinnslag: Dans ved Magdalena From Gniste
Underhaldning for born.
Frukost: kr. 80,- for vaksne
Born under 12 år, halv pris
Born under 4 år gratis
Under frukosten vil Norsk Folkehjelp ha innsamling!

1. MAI-TOG OG TALE
kl. 12.00: Samling ved Industriarbeidarmonumentet i Borggarden, oppsett av tog
kl. 12.15: Demonstrasjonstog Sagvåg Skulekorps spelar
Rute: Borggarden - Borggata – Skrivarvg. - Sæ - Torget kl. 12.45
Samling ved Industriarbeidarmonumentet i Borggarden
Tale ved: Stortingsrepresentant Per Rune Henriksen

Den herlege Stordøya vår…

(Denne teksten passer godt til melodien «Herlege Stordøy»)

Herlege Stordøy, herlege Stordøy,
Fager og fin millom fjordane blå??
Kor du enn vandrar kan du nyta
Stordanaturen med alt sitt boss.
Plastikk, glasskår, blikkboks, hundadrit:
Å her er utifrå stappfullt med skit!

Herlege Stordøy, tilgrisa strender,
ligg dette heilt frå Håkon si tid?
Stig du i havet, da kan du trø på,
mange typer med fargerikt skrot.
Bekkar og vatn flyt fulle med skvip:
Å her er utifrå stappfullt med skit!

Herlege Stordøy, her kan du sykla,
Rundt på veiar så pynta med stas,
Langs alle stiar ligg det så mykje,
Ikkje ein meter er upynta gras.
Matemballasje, pressening, ett dekk.
Å dette skal visst aldri vekk.

Herlege Stordøy, så fullt med minner ,
Det same ligg her år etter år ,
Den halve sykkelen nede ved ferja ,
Barnevogna i skogen der nord ,
Bildelane er der , det same paraply ,
Å her er skjete i grend og i by!

Herlege Stordøy, plastposens Mekka,
Her kan dei blåsa så livleg omkring.
Inne i marka, på Heiane, Sagvåg,
på fjellet, Hystad og ved Eldøyane.
Bland busskur, leikeplassar, butikkar og hus,
Ja overalt på Storen er det ”plastposesus”.

Herlege Stordøy, vår skitna Stordøy,
No ska alt bli mykje betre, ja sjå:
Her er det rydda, nei det vart flytta,
Bosset har blese litt lenger inn.
Men det vert betre, no er det vår!
Da dekkjer nytt gras papir, rusk og skår.


Maria Malmsten, svensk innvandrer.

Raud Ungdom: Hent soldatane heim!

Stord Raud Ungdom hadde i dag, laurdag 28. april, ein vellukka aksjon mot NATO og krigen i Afghanistan, i samband med ministermøtet i Oslo i helga. Aksjonistane delte ut flygeblad og ba folk ta med seg leikesoldatar heim.

På sjølve «inngongspartiet» til Leirvik sentrum, gangbrua ved Leirvik skule, hengde unge aktivistar opp ein plakat med påskrifta «Hent soldatane heim», natt til i dag.



- Me ynskjer at Noreg skal vera ein fredsnasjon, ikkje delta i USA sitt oljekorstog ved å vera med på krig i eitt av dei fattigaste landa i verda, seier Håvard Tranøy, leiar i Stord RU. Håvard meiner regjeringa og særleg fredspartiet SV har svikta grunnleggjande når dei har gått med på å senda enno fleire soldatar til Afghanistan. – Regjeringa seier at soldatane berre skal vera i dei delane av landet der det er trygt. Men ingen sender vel soldatar til andre delar av verda for at dei skal vera trygge? NATO har endra karakter frå forsvars- til åtaksallianse som skal vera i stand til å forsvara dei mektigaste sine interesser overalt i verda. Ein slik allianse bør ikkje Noreg delta i, meiner den unge aktivisten, som står på sjette plass på Raudt Stord si vallista.

Innlegg frå Stord RU: Gje NATO ein på trynet!

23.-26 april skal Oslo husa eit møte av dei sjeldne. Då kjem NATO sine utanriksministrar til byen, og det er duka for toppmøte. Noreg er altså vert for eit møte mellom dei største krigshissarane i verda, og NATO kjem til å møta ein Jonas Gahr Støre som vil fortelja dei at Noreg står fullt og heilt bak USA sine åtakskrigar også i framtida. Dette trass i at mesteparten av det norske folk heile tida har vore motstandarar av denne krigføringa, og at ein av grunnane til at dei raudgrøne kom til makta var nett denne krigsmotstanden..

Me i Raud Ungdom meiner at dette er heilt på trynet, og me er leie av at den massive motstanden mot krig vert usynleggjort av Stortinget og regjeringa. Me vil fortelja Jonas og NATO-toppmøtet at me er leie av å bruka ein milliard kroner i året på å bomba eitt av dei fattigaste landa i verda. Me vil at alle dei norske soldatane skal koma heim heile, og ikkje i posar. Me vil at Noreg skal slutta å føra krig mot dei svakaste i verda, og reisa seg att som ein fredsnasjon.

Noreg har eit sjølvbilete som ei fredsdua i verda. Då bør me halda oss langt vekke frå dei krigsglade NATO-haukane.

Håvard Tranøy, Stord Raud Ungdom

Berre kvite på listene

Av alle vallister i Sunnhordland, Hardanger og på Haugalandet, er det berre RV-lista på Stord som har ein innvandrar på topp.

– Innvandrere har nok med å legitimere sin eksistens i det norske samfunnet, sier Mohamed Kallel. Han er den eneste listetoppen i regionen som har utenlandsk bakgrunn.

Les meir her

RV-lista til kommunevalet

1. Mohamed Kallel, 1963, sveisar, Åsamyrvegen
2. Maria Malmsten, 1964, musikar, Høgestølen
3. Anbjørg Vattedal, 1958, vernepleiar, Høgåsen
4. Stian Karlsen, 1984, elektrikar, Trodlahaugen
5. Astrid Salomonsen, 1987, student, Bandadalen
6. Håvard Tranøy, 1988, student, Åsringen
7. Einar Steinkopf, 1964, musikkpedagog, Høgestølen
8. Magnhild Ravnskog Nilsen, 1982, student, Knosterneset
9. Vibeke Helen Bersås, 1966, førskulelærar, Kleivane
10. John Gunnar Skaarhaug, 1965, platearbeidar, Åsamyrvegen
11. Henriette Knutsen, 1988, student, Kviteluren
12. Erik Haugan, 1972, ingeniør, Nye Vågaveien
13. Frank Ruben Åsheim, 1988, skuleelev, Øklandslio
14. Elin Ravnskog, 1956, arkivleiar, Knosterneset
15. Bjørg Grønås, 1961, omsorgsarbeidar, Heio
16. Anlaug Fantoft Grutle, 1983, student, Strongalio
17. Terje Bruket, 1956, ingeniør, Hornelandsvegen

Styret i Raudt Stord

Leiar: Einar Steinkopf, tlf 91700645
Kasserar: Mohamed Kallel, tlf 98288334
Styremedlem: Kristine Agersborg, tlf 99156044

E-post til Raudt Stord: stord@raudt.no