Studiesirkel

Raudt Stord tek til med studiesirkel att den 3. mars. Me skal studera boka sosialisme skapes ikke i himmelen, skriven av den amerikanske økonomen Michael Lebowitz.

Viss du vil studera saman med oss, kan du ta kontakt med Kjetil på telefon 905 73 306, eller senda e-post til stord@raudt.no.

Studiesirkelen vår kan du finna her.

Takk for innsatsen

Valet gjekk "te donders", diverre. Men me gjev ikkje opp, og kjem til å halda fram med å kjempa for dei sakene som me og veljarane våre er opptekne av, sjølv om me ikkje kan gjera det frå innsida av kommunestyresalen.

Vil du vera med å gjera Raudt Stord til eit stort og slagkraftig parti? Me treng alltid fleire medlemer for å byggja organisasjonen, auka aktivitetsnivået og fylla opp partikassen. Ta kontakt på stord@raudt.no då vel!

Røyst raudt - Røyst RV i morgon!

I morgon er det alvor. No i innspurten er det viktig at du som vil at RV skal vera i kommunestyret, faktisk røystar på oss. Kvar einaste røyst tel, og di røyst kan vera den som må til for at me kjem inn!

Godt val!

Alle får røysta!

RV er letta over at ordførar Magne Rommetveit på vegne av seg sjølv og valstyret svarar på vårt utspel. Ordføraren seier at i Stord kommune skal ingen verta nekta å røysta sjølv om dei ikkje har legitimasjon.

- Det er kjempebra at ordføraren let omsynet til lokaldemokratiet gå føre lojaliteten til regjeringa. Eg er glad for at ordføraren presiserer at det er eit overordna mål at alle skal få røysta, seier Mohamed Kallel.

Nettmøte

Mohamed Kallel har vore på nettmøte i Bladet Sunnhordland i dag.

Sjå kva han svarte her!.

Svaret på det eine spørsmålet kom diverre ikkje med. I håp om at spørjaren kikar innom nettsida vår, legg me ut spørsmålet og svaret her.

Trine spør:
Bortkasta å røyste RV?
RV har jo ærleg tala liten sjans for å koma i kommunestyret, er det ikkje bortkasta å stemme rv?

Me svarer:
Det er ikkje bortkasta å røysta på RV. Dei små partia treng omlag 150 røyster for å få den siste plassen i kommunestyret. Me har fått fleire røyster enn dette ved stortingsval. No har me bygd opp organisasjonen lokalt, og håpar me har vist at me kan spela ei viktig rolla i Stord-politikken.

Gong på gong, seinast i eit lesarbrev i Sunnhordland i går, får me døme på at innbyggjarar har prøvd å få hjelp av representantar i kommunestyret, men ingen vil ta opp sakene deira. Dette gjeld særleg i byggjesaker, der folk flest gong på gong vert overkøyrde av næringsinteresser. I kommunestyret kan me verta eit talerøyr for vanlege folk mot overmakta.

Til samanlikning må dei største partia ha mange hundre fleire røyster for å få den siste plassen i kommunestyret, på grunn av fordelingsnøkkelen som vert brukt når røystene skal fordelast på dei 35 plassane i kommunestyret.

- Fattige vert fråtekne røysteretten

Nye valreglar gjer at mange fattige i praksis blir fråtekne røysteretten. No krev Raud Valallianse at Stord kommune sikrar røysteretten. - Kommunen må gje alle som treng det gratis legitimasjon, slik at dei kan røysta, seier Mohamed Kallel i Stord RV.

I haust held det ikkje med å ta med valkortet når ein skal røysta. Stortinget har samrøystes vedteke at alle veljarar må visa legitimasjon når dei skal røysta. Mohamed Kallel i RV fryktar at dette kan ta røysteretten frå mange menneske.
- Den billegaste måten å skaffa seg legitimasjon på, for folk som ikkje har førarkort, pass eller bankkort, er Posten sitt ID-kort. Det kostar 261 kroner. Om fattige menneske får valet mellom å eta middag i neste veka, eller å røysta, trur eg ikkje dei kjem til å bruka røysteretten sin, seier Kallel. Handsamingstida for å få eit ID-kort frå Posten er 7-14 dagar.

- Svært få av dei svakaste i samfunnet har særleg mykje politisk makt, og mange av dei veit ikkje eingong at reglane er endra. Dette er nok grunnen til at ingen har fanga opp dette problemet før dei siste dagane. Politikarane på Stortinget, med sine oppsvulma lønsinntekter og frynsegode, skjønar sjølvsagt ikkje korleis det er å vera fattig i Noreg, meiner Mohamed Kallel.

RV har sendt eit brev til ordførar Magne Rommetveit og valstyret i Stord der dei krev at alle som treng det får gratis legitimasjon av kommunen. Viss ikkje vil dei klaga og krevja at valet vert gjort ugyldig.

- Dette kan dreia seg om rusmisbrukarar eller sosialhjelpsmottakere, som har vorte trakka på gjennom eit langt liv. Men det dreier seg òg om førstegongsveljarar som går på vidaregåande skule og lever på eit lite bortebuarstipend eller eldre som ikkje har helsa, humør og høve til å reisa til folkeregisteret og på Posten ein månad før valet. No opplever dei å verta fråtekne ein grunnleggjande rett i eit demokratisk samfunn, nemleg røysteretten. Dette kan ikkje eit lokaldemokrati leva med, seier Kallel.

Kommunalminister Åslaug Haga, som har det øvste ansvaret for valet, har bede kommunane bruka skjønn på valdagen. – Me kan ikkje leva med at folk sin privatøkonomi eller den einskilde valfunksjonæren sitt skjønn skal avgjera om dei får vera med i val eller ikkje, er Kallel sin kommentar til dette.

-----
Les meir om saka på NRK sine nettsider

Fylkesvalkamp i ausande regn

RV sin 1. kandidat til fylkestinget, Sunniva Schultze-Florey, var med på stand på torget på Leirvik og på Amfi-senteret i helga.


Sunniva heldt mellom anna ein flammande appell om RV sitt arbeid i fylkestinget. For dei som ikkje vågde seg ut i griseveret, kan ein lesa innhaldet i appellen på Raudt Hordaland sine nettsider.

Stem feministisk - Stem RV!

Dette er den norske likestillingen:
· Kvinner tjener bare 68% av menns inntekt.
· 43 % kvinner jobber deltid.
· 86 % av minstepensjonistene er kvinner.
· 83 % av norske ordførere er menn.
· 96 % av kontantstøttemottakerne er kvinner.
· Mange tusen barn står fremdeles i barnehagekø.
· Norge har et av verdens mest kjønnsdelte arbeidsmarked.
· 100.000 norske menn bruker regelmessig vold mot kvinner.
· 13 % av norske menn er horekunder.

RV arbeider for å å oppnå kvinnefrigjøring og demokrati for alle, blant annet ved å prioritere rettferdig pensjonsordning for kvinner, styrke kvinners tilknytning til arbeidslivet og redusere bruk av deltid og midlertidig ansettelse.
Vi vil arbeide for like adopsjonsrettigheter for lesbiske og homofile.
Videre kriminalisere horekunder og øke straffenivået i voldtekts- og overgrepssaker.
Vi vil skjerpe pornolovgivningen til også å omfatte kvinnediskriminering og arbeide med tiltak mot pornofisering av det offentlige rom.
Vi vil styrke krisesentre for mishandlede og voldtatte kvinner.

KVINNER ER HALVPARTEN AV BEFOLKNINGEN, OG VÅRE STEMMER ER MED Å AVGJØRE VALGET.

GODT VALG!

Maria Malmsten, 2. kandidat Stord RV.

Arbeidarpartiet, Høgre og kommuneøkonomien

Kvar einaste dag i valkampen er Arbeidarpartiet sine kandidatar i avisa og forsvarar alt det galne dei har gjort, og skryt over at dei har fått orden på økonomien.


Orden på økonomien ja. Kommunestyret har rasert ein sjukeheim og rehaben, dei har ikkje bygd ungdomsskulen som alle partia lovde oss i 2003, Alcatraz er vekke og kommunen er heilt ute av stand til å gjennomføra store prosjekt som kjem innbyggjarane til gode. Ostehøvelprinsippet har kommunen brukt til det ikkje er meir ost att. Ein kan ikkje kutta seg til betre økonomi og betre velferd, men likevel er det det kommunen prøver på. Heile kommunestyret står saman om raseringa av velferdstilbodet vårt, men Ap står åleine om å forsvara det.

Så kjem Høgre og Frp og kritiserer Ap for akkurat dette. Men kva er Høgre og Frp si løysing på problemet? Jo, streng økonomistyring. Og streng økonomistyring, det er fleire nedskjeringar det. Høgre og Frp vil altså kutta enno meir enn det dei andre partia har gjort. Men kor dei skal kutta, det er Høgre og Frp for feige til å seia.

År for år får kommunane ein mindre del av kaka. Regjeringa lovde at dei skulle retta opp kommuneøkonomien. Ja, me har fått større overføringar dei to siste åra, men det held berre så vidt til å dekkja prisstigninga, og er langt frå nok til å dekkja opp for mange år med manglande vedlikehald og renter på lån ein ikkje kan betala. Regjeringa har to år til på seg. Men det er avgjerande at lokalpartia ikkje let lojaliteten til statsbudsjettet og partia sine gå føre lojaliteten til sin eigen kommune. Kommunen må gjennom media og gjennom ”fagforeininga” si, Kommunenes Sentralforbund, seia klart ifrå at kommunesektoren må få nok pengar til å retta opp økonomien sin.

Alle partia som er representert på Stortinget i dag, har delteke i vedtak om statsbudsjett. Så den einaste i kommunestyret som ikkje har medansvar for den elendige kommuneøkonomien, må vera Fredrik Litleskare i Demokratane.

RV meiner at kommunane treng 20 milliardar som eit strakstiltak for å betala gjeld, manglande vedlikehald og anna etterslep på utgiftssida. Deretter, med god styring av kommunen, kan me få ei effektiv drift av kommunen, som på sikt vil føra til at kommunen vil spara mykje pengar. Ein kan ikkje vedta seg til effektiv drift, og ein kan ikkje driva effektivt når ein ikkje har råd til det, det er noko alle i næringslivet veit. Rart at ikkje høgresida i politikken har forstått dette, dei som alltid hyllar det private næringslivet sin effektivitet…

Mohamed Kallel

Stand på Leirvik i helga

Førstkomande laurdag, 1. september frå klokka 11.00 kan du møta Hordaland RV sin førstekandidat til fylkestingsvalet, Sunniva Schultze-Florey, på standen vår på Leirvik.

Sunniva er 22 år gamal og student ved universitetet i Bergen. Ho har vore RV sin gruppeleiar på fylkestinget i perioden 2003-2007, og satsar på ein plass i fylkesutvalet i neste periode. Sunniva har vore politisk aktiv sidan ho var 15 år, og er særleg oppteken av utdannings- og distriktspolitikk.

Den største bragden til Sunniva i utdanningskomiteen og fylkestinget den forrige perioden var at ho fekk med seg fylkestinget på å betala for skule-PCane til elevane på vidaregåande.